...

...

" تجول فى الموقع وحدث مخك بنجاح ... سوف تجد كل ما هو جديد ومفيد وممتع " ... للتسجيل فى الموقع : هــنـا ... للتواصل معنا : هـــنــا
...

إضحك مع قرنى التمرجى والدكتور عزت ..

.
هذا الموضوع له علاقة بقسم : إضحك من قلبك ، ثقافة لذيذة




المشهد الأول :



" يجلس قرني التمرجي في عيادة الدكتور عزت "

رجل : " لقرني " هو الدكتور فين أنا قاطع مستعجل بقالي أربع ساعات .. المغص اللي كان عندي راح وضهرى هو اللي تاعبنى من كتر القعدة .


قرني : الدكتور زمانه جاى ... وبعدين الناس كلها قاطعة مستعجل ولا عايزنى أسفرك تتعالج بره ..!!

امرأة : عندي صداع هيخلى دماغي تلف تلتمية وستين درجة .

شاب : " لقرني " هات يا عم فلوسي أنا هنزل ألعب بلاى ستيشن .

قرني : فلوسك إيه هو إنت حاططها في البوسطة .. يا جماعة اتسلوا دا الدكتور مشترك في النايل سات .

الرجل : ينظر إلى التلفاز فيجده جثة هامدة ... ولما فيه تليفزيون ما تفتحه .!!

قرني : وشرفك هو كده مفتوح ..!!



المشهد الثانى :


يظهر الدكتور عزت والدكتورة كريزة في مطعم .

كريزة : خايفة تكون بتتسلق على حبلى الشوكى عشان مصلحة .. حاسة إنك بتحبنى دعامة بعد ما التجاعيد اتحفرت في وشى زى الأرض الزراعية ...

دكتور عزت : طب إنشا الله تجيلى كل الأمراض وأتمسك في عمليات إجهاض .. يارب اللقمة اللي باكلها تنزل حريق وتتحشر في المرئ لو كنت باستخدمك قسطرة .

كريزة : يبقى ناخد فترة نقاهة وما تتصلش فيها خالص .. نبعت لبعض إس إم إس على قناة المعلومات ...

دكتور عزت : ينهض في غضب .. كده أنا هاخد موقف كان لازم أعمله من زمان .. أنا هزود سعر الكشف عندي .


المشهد الثالث :


تتعالى الاشتباكات مع قرني في العيادة ..



رجل :
يا جدع كلمه ع الموبايل أمراض الدنيا عدت عليا وأنا قاعد .

قرني : ما ينفعش يا بيه .. الموبايل بتاعه اتدلق عليه سافلون ...


المشهد الرابع :


يصل دكتور عزت ويركن عربته بهمجية فيخبط رجلاً ...


المشهد الخامس :


يتهيأ المرضى للكشف بعد دخول د.عزت ...

شاب : لرجل قلتلى الدكتور ده تخصص إيه ؟؟

الرجل : هو أساساً أنف وأذن بس أنا خالع عنده ضرس قبل كده ..!!

الشاب : المهم يكون كويس أنا أول مرة أجي .

الرجل : أنا بتعالج عنده من زمان لما كان عندي تليف في الكبد ...

الشاب : ودلوقتى ؟؟

الرجل : بقى فيه تليف بس ..!!


المشهد السادس :


يظهر د.عزت مع أحد المرضى في حجرة الكشف .

المريض : يا دكتور علاج البرد بتاعك مش عاملي حاجة .. دا انت لو كاتبلى على كيس مناديل كان زماني خفيت ..!!

عزت : يا أستاذ انت عندك دورين برد فوق بعض .. اللي زيك ما يروحش لدكتور.. إنت تروح رئاسة الحي ..!!؟؟

هل أعجبك الموضوع ..؟ هل استفدت منه ..؟ هل تتفق أو تختلف مع محتواه من وجهة نظرك ..؟ ننتظر منك تعليقك هنا أسفل الموضوع

Share/Bookmark

هناك تعليق واحد:

  1. ابن العم ليك11 أغسطس, 2009

    نحن نحبك لتقدمك يا اخ علام تقدم الى الامام وننتظر المزيد منك ابن العم

    ردحذف

تعليقك سيظهر مباشرة بعد مراجعته :