...

...

" تجول فى الموقع وحدث مخك بنجاح ... سوف تجد كل ما هو جديد ومفيد وممتع " ... للتسجيل فى الموقع : هــنـا ... للتواصل معنا : هـــنــا
...

نفسى حد يعاكسنى .... إضحك مع بثينة ونسمة

.
هذا الموضوع له علاقة بقسم : إضحك من قلبك ، ثقافة لذيذة ، للنساء فقط




المشهد الأول :

" تتحدث بثينة مع صديقتها نسمة عبر الهاتف "

بثينة : نفسي حد يعاكسني أو حتى يرميلى ورقة فاضيه .. الولاد بيعدوا من جنبي كأني جزء من المرافق العامة .. حاسة إن أنا امتداد للرصيف ..!!

نسمة : الشباب مش بيحبوا الأبواب المغلقة .. افتحي أول زرار القميص عشان الشمس تدخل البلكونة .

بثينة : شعاع الشمس ضارب في المنور وياريته نافع .. كل ما أكلم واحد يقولى إنتى زى أختي بالظبط لغاية ما شجرة العيلة بقت بستان .. أنا بقيت محرمة دولياً ....

نسمة : ما تخليش اليأس يعملك انفصال شبكي.. لسه فيه طلبة مدارس ....




بثينة : دى عيال جيلي كلها آيسيهات محروقة ...

نسمة : الجيل الجديد دايماً ليه مميزاته يا بثينة ... أنا معلقة منهم اتنين فيهم واحد بكاميرا ..!!


المشهد الثاني :


" تظهر بثينة أمام مدرسة ثانوية وتستند بذراعها على إحدى العربات في إغراء "

" ينطلق الجرس المدرسي ليعلن نهاية اليوم الدراسي "

بثينة : تظل الابتسامة معلقة على وجهها لوقت طويل ولكن لا يخرج أحد من بوابة المدرسة !!

بثينة :
" بعد نصف ساعة تلاحظ الباب يفتح على مضض " ويخرج من البوابة كلب نحيل كان يشرب من حنفية الحوش ... قطع




المشهد الثالث :

" تجلس بثينة خلف شاب وفتاة في سينما وتستمع لحديثهما في حزن "

الفتاة : " للشاب " إيه أكتر حاجة بتعجبك وشايفها وارمة فيا ؟؟

الشاب : مؤثراتك الصوتية .. صوت خطوتك وانتى ماشية تطرقعى بالشبشب بيفكرنى بالفيشار وهو بيستوى وبيعمل جواية هزة قلبية .. زلزال في كل جسمي ..


المشهد الرابع :


" تتحدث بثينة مع شادي صديق الشات "




بثينة : هو إنت كل ما تكلمني تقولى افتحي الكاميرا .... ( مش أنا وريتلك صورتي قبل كده ؟؟ ) ........

شادي: الصورة ساقطة كادر ..!!

بثينة : أصلى كنت بجيب حاجه م الأرض ...

شادي: إحنا اتفقنا إن شكلك مش هيغير حبي ليكى ...

بثينة : " تفتح الكاميرا لعدة دقائق ويراها شادي " ...

شادي: لا يكتب شيئاً ...

بثينة : تضغط جرس .... أوعى تكون غيرت رأيك دا انت آخر واحد فاضلي ع الماسنجر ....

شادي: أنا كلمتي هي شرفي ولسه متمسك بكل شبر فيكى ...

بثينة : أخيراً لقيت نصي التحتانى ...

شادي: is now offline .... قطع


هل أعجبك الموضوع ..؟ هل استفدت منه ..؟ هل تتفق أو تختلف مع محتواه من وجهة نظرك ..؟ ننتظر منك تعليقك هنا أسفل الموضوع

Share/Bookmark

هناك 37 تعليقًا:

  1. غير معرف21 أبريل, 2009

    ههههههههه بثينه انا موجود ممكن اصاحبك لو عايزة

    ردحذف
  2. ههههههههههههههه
    ههههههههههههههه

    باين عليها وحشة عالاخرررهههههههه

    ال عاوزة حد يعاكسها ال بلا خيبة انا كرهت نفسي من كترة المعاكسات وقلة الادب

    تحترم نفسها وتعقد ساكتة ومؤدبة لغاية ما تتجوز ^ـ^

    بوست جميل جدا

    تسلم ايدك

    ردحذف
  3. شكرا يا نوارة نورتى مدونتى .... وميرسى على التشجييييع

    ردحذف
  4. مش للدرجة دى
    دا احنا واخدين المركز الاول فى التحرش الجنسى
    عموما سخرية لاذعة
    اولاسعة

    ردحذف
  5. ياعينى عليك
    لأ جامدة بجد
    تسلم ايدك يا خفاجى

    ويارب تنور مدونتى

    ردحذف
  6. غير معرف16 سبتمبر, 2009

    لكل ساقطة فى السوق لاقطة وكل فوله ولكها كيال

    ردحذف
  7. غير معرف24 أكتوبر, 2009

    هههههههههههههههه
    يا ريت انتي انا انا زهقت نفسي من كل المعكسات اصلي الجمال اليوم مش مفيد

    ردحذف
  8. غير معرف13 نوفمبر, 2009

    هههههههههههههههههه

    حلوة طلع أوف لاين هههههههههههه

    أخذت فيني ثواب كنت طفشان مرة

    ردحذف
  9. غير معرف18 نوفمبر, 2009

    هههههههههه حلوه بس مشاكسه ههه

    ردحذف
  10. غير معرف21 نوفمبر, 2009

    هههههههههههههه
    طب والله جامدة بس شادي طلع ندل اوووووووووي
    بس مش جديد هيه دي الشباب علي حق تخصص ندالة وبس
    هوه احنا بناخد منهم غير ندالة وكدب وبس

    ردحذف
  11. على فكره انا مش راح ارد على الموضوع لانه بيضل مجرد نكته من اخ الخفاجي وتسلم شكر ضحكتنا على تفاهت بنات اليوم
    بس حابب رد على الصباية خصوصاالمغرورات قال شو انا كرهت نفسي من المعاكسات ووحده بتقول الجمال اليوم مش مفيد عشان نقول انها جميله ما علينا وفي الاخر وحده مقروصه بتقول انوالشباب اندال ومش عارف شو اولا من الوقاحه وقلة الادب انك تردي كده ثانيا ده دليل على احساسك بعدم الثقه واحساسك بافضلية الشب على البنت في كل شي وهادا امر ماعليه كلام وعلى فكره هادا شعور كل البنات ودايما تفكيرهم تافه وحتى كلامهم تافه ومواضيعهم اتفهم .بس مش الكل

    ردحذف
  12. غير معرف23 ديسمبر, 2009

    هههههههه حضرتك ضحكتنى وربنا ميرسى اوى ع المقال الجميل اوى دة وع الضحكه ربنا يحفظ حضرتك يارب

    ردحذف
  13. غير معرف26 يناير, 2010

    الله يستر
    --------------

    ردحذف
  14. غير معرف03 مارس, 2010

    بنت /// سن 19 سنه /// الله يستر عليكم يابنات كل ده تفاه بتاعه بنات وده سن المراهقه وبطريقه دي هتوقعي في الغلط كتييييير لازم تبقي عاقله وكل نظره لينا حرااااام عند ربنا وياما ترتكبي زنزب ياللي عايزاهم يعكسوكي

    ردحذف
  15. توبيك رائعوفعلا والله وللاسف ده اللى بيحصل وعلى فكرة والله احنا كاولاد بقينا نتعاكس من بنات والكلام ده والله عن تجربة شخصية

    ردحذف
  16. غير معرف20 مارس, 2010

    لالالالا فكرتي عن الموقع اتغبرت طب والله العظيم الشباب بيعاكس المنتقبه هو انتو مفيش غير البنات اللي كل شويه تطلعوهم غطانين هوانتم مابتغلطشوش خالص لبنات اللي كده بس دول الولااد كمان بيحبو حد يبصلهموالشباب ادري ودي طبيعه في سن المراهقه انسو البنات شويه وفاكرو في حلول لحل بعض مشاكلكم في مصر ويا ريت محدش يقول عني كلام مش حلو اصبيكم مع ضميركم

    ردحذف
  17. هههههههه
    شادي ده طلع مش علي قد كلمتو
    هههه سودانا

    ردحذف
  18. غير معرف28 مارس, 2010

    انا بعرف ان البنات لما يعاكسها شب بتفرح كتييييييييييييييرهههههههههههههههههههههههههههههه

    ردحذف
  19. غير معرف21 أبريل, 2010

    انا اعتقد لما الولد يعاكس بنت يبقى استهزاء بها مش مجاملة ليها

    ردحذف
  20. غير معرف29 أبريل, 2010

    ربنا يلعن البنات اللى بالشكل ده
    وربنا ياخد الولاد اللى ممكن تفكر بالشكل ده
    والله ياشباب فى اخره وفى نار وفى كمان جنه
    انا مش مصلح بس كل حاجه وحشه بقت عادى
    حرااااااام
    سبحان الله والحمد لله ولا اله الا الله والله اكبر ولا حول ولا قوه الا بالله

    ردحذف
  21. ام يوسف12 مايو, 2010

    ايه ده يا اخواني: العرب فين وطنبورة فين فيقو بقى

    ردحذف
  22. غير معرف13 مايو, 2010

    علي فكره حوار جميل جدا وكوميدي كمان وفعلا هو ده تفكير البنات في الوقت ده انت جبت من الاخر اساسا

    ردحذف
  23. غير معرف23 مايو, 2010

    يا جماعه صح دلوقتى الوحشه بتتعاكس صدق الى قال الوحشه بتتعاكس صح والله بتحصل سعات وتتطلع راجل بس ياريت يكون كلامكم لطيف شويه ياريت من الاحترام مش لازم نكون نعرف بعض علشان نكلم بعض باحترام وادب وزوق . بس الموقع جميل اوى وعجبنى بجد.

    ردحذف
  24. ibrahim_gomah29 مايو, 2010

    من غير جدال الموضوع جامد وظريف وفيه مواقف بتحصل كتير مع صبيان وبنات بس قليلة ولكن بجد الموضوع عجبنى

    ردحذف
  25. غير معرف13 يونيو, 2010

    الموضوع لطيف طبعا .. وأنا أنضم للأخlovestry2007
    فعلا الكام بنت اللي ردوا في الاول عايزين يبينوا نفسهم حليون ..
    والاخت اللي بتقول انها زهقن من كتر المعاكسه تبقي كدابه 100000 مره إا قالت انها مش بتقول ده بنوع من الفخر ..
    واوعي يا شاطره تفتكري ان المعاكسه لها علاقة بالجمال ... أبدا يا ماما ...
    الل ماشيه محترمة في الشارع عمرها ما بتتعاكس حتي لو هي زي القمر ... اما بقي اللي ماشية لامؤاخذه بتتعاكس حتي لو كانت شبه اسماعيل ياسين ..
    طبعا كده احنا عرفنا صاحبتنا بتمشي في الشارع شكلها ايه ....
    تحياتي

    ردحذف
  26. غير معرف16 يونيو, 2010

    يا حرام بجد دا احنا اتخناءنا من المعاكسات و قله الادب و هيا نفسها حد يعكسها هههههههههههههه

    ردحذف
  27. غير معرف17 يونيو, 2010

    لا فعلا فى بنات كده كتير .. اطلبلى حاجه بقى .

    ردحذف
  28. مصطفى البدراوي20 يونيو, 2010

    هههههههههههههههه واو محاوره وحادثه تعكس لنا جيل هذا الوكت


    الله يهديهم ان شاء الله

    بالمناسبه انا من عندهم ههه

    ردحذف
  29. غير معرف04 يوليو, 2010

    شعب خايب بيدور ع المعكسات الخيبة وينسى انو فيه جنه ونار .

    ردحذف
  30. غير معرف06 يوليو, 2010

    اسلوب مظحك وشيق شكرا

    واحدبكاميرا ههههههههههههههههه

    ردحذف
  31. غير معرف11 يوليو, 2010

    بصو ببصاته انا معتقدش ان البنت بشكلها ولو الولد بشكلو كان زمانى ماشى مع نص البلد لاكن الظاهر ان بثينه واخده الموضوع اوفر ومش واثقه فى نفسها والى بيبصلها بيحلقلها عشان بيكون باين عليها انها مش وثقه فى نفسها مش باين عليها انها وحشه ...... وشكرا (FIRE)

    ردحذف
  32. غير معرف01 سبتمبر, 2010

    ياسلام سلم

    ردحذف
  33. غير معرف11 سبتمبر, 2010

    يارت يابثنه ددنى ايملك وانا هضلعج

    ردحذف
  34. غير معرف20 سبتمبر, 2010

    هند تيجى نبدل اصل انا زهقت من كتر المعكسات

    ردحذف
  35. غير معرف18 أكتوبر, 2010

    كل انسانة مهماكانت دميمة تحب ان تكون محترمة وخاصة لو عندها حياء ؛ الا اذا..............

    ردحذف
  36. غير معرف21 نوفمبر, 2012

    ممكن نبقا اصحاب

    ردحذف

تعليقك سيظهر مباشرة بعد مراجعته :