...

...

" تجول فى الموقع وحدث مخك بنجاح ... سوف تجد كل ما هو جديد ومفيد وممتع " ... للتسجيل فى الموقع : هــنـا ... للتواصل معنا : هـــنــا
...

يا ترى سيادتك بتعمل أيه لما حد يستفزك ؟؟

.
هذا الموضوع له علاقة بقسم : جـدد حـيـاتـك ، ثقافة لذيذة



النرفزة والضيق والعصبية والإستفزاز ( كل حاجة وليها حل )


يا ترى سيادتك بتعمل إيه لما حد يستفزك ؟؟ لما حد ينطط عفاريت وعفريتات الدنيا كلها قدام عينيك ؟؟ هل تصرخ فى وجهه ؟؟ هل ترزع ما بيدك على الأرض وتنقض عليه انقضاض الليث على فريسته ؟؟ هل تهرب من مواجهته أخذاً بمبدأ الباب اللى يجيلك منه الريح سده واستريح ؟؟ أنا وأعوذ بالله من كلمة أنا بعد طول تجربة فى الزهق والنرفزة والأعصاب المتورمة أقدر أقولك إن قدامك أوبشن من الأوبشنين دول -- :


أوبشن رقم واحد 1 :



إنك تعمل زى الثلاجة يعنى مهما كان اللى قصادك يعصب ويجيب الضغط والسكر والذى منه حاول تبقى هادئ ، خليك واثق من نفسك ، أنا عايز حضرتك واد كووول عايزك تنظر إلى الدنيا وإلى الأفندى اللى بينطط الدنيا قدام عينيك نظرة برود لأن مفيش حاجة تستاهل النرفزة والعصبية ، وكل شىء بالخناق إلا الجواز بالاتفاق وإن اللى إنت بتقوله وانت عصبى ممكن تقوله برضه وإنت هادى وكووول على الآخر ، إنت ممكن يكون علو صوتك ده لأنك متمكن وواثق من نفسك اعرف إن علو الصوت والغضب ممكن يخلو الواحد يغلط من غير ما يحس ، وياما حصلت مشاكل بسبب نوبات الغضب اللى بتتحكم فى الإنسان وتخليه يفقد أعصابه ويعمل حاجات بيندم عليها فيما بعد .


أوبش رقم اثنين 2 :




إنك تعمل زى حضرتى ، عارف أنا بعمل إيه ( ولا حاجة ) .... آه والله ولا حاجة ، بافضل ساكت ساكت وبعدما اللى بيتكلم قصادى يخلص أقوله كل اللى أنا عايزه ، بافضل صابر لغاية ما يقول اللى عنده وبعدين أعلق براحتى ، باعمل لنفسى no comment بيبقى اللى قصادى بيحمر ويخضر وأنا ولا هنا .. أنا no comment شوفت بقى الموضوع سهل ازاى بس كل الحكاية إنك تدرب نفسك ، تنوى مع نفسك من بداية يوم كده إنك : النهاردة مش هزعق ولا هتعصب هتعامل مع كل الناس وكل حاجة بمبدأين هما take it easy ، be cool ، وشوف اليوم ده هيعدى إزاى وشوف الهدوء والسكينة والسلام اللى هتحس بيهم فى نهاية اليوم ، وطبعاً هتحاول تكرر الكلام ده على طول مش اليوم ده بس ولا إيه ؟؟





إيه رأيك فى tow options دول جامدين صح ... وأتمنى أكون أفدت سيادتك وحليت الأسئلة اللى قلتها لك فى البداية ، سلام بقى لاحسن أخويا بيستفزنى دلوقتى وشكلى هطلع ضيقى وزرابينى عليه .

هل أعجبك الموضوع ..؟ هل استفدت منه ..؟ هل تتفق أو تختلف مع محتواه من وجهة نظرك ..؟ ننتظر منك تعليقك هنا أسفل الموضوع

Share/Bookmark

هناك 6 تعليقات:

  1. سحر الأيام20 سبتمبر, 2009

    أنا بجد بتشكركم وبتشكر خصوصا كاتب الموضوع وهو إنسان رائع وأنا أشهد إلو تحياتي تقبلوها حتي لو ما كنت منكم

    ردحذف
  2. كوول بس بلئدب29 سبتمبر, 2009

    انا ماينفع معاي لئن دائمن احول اسكت عشان اذا قمت و الله اعلم يمكن اغل شي اشنقه

    ردحذف
  3. انا بقي زيك يعني كول انا الاول كنت اتعصب لكن دلوقتي ان عرفت انك لو اتعصبت نت اللي الوحيد اللي حتتعب في الوضوع ه لكن لو سكت للي استفزك هو للي حيضايق

    ردحذف
  4. غير معرف22 أكتوبر, 2009

    بسم الله الرحمن الرحيم


    ده انا لزم اتنرفز علشان ارتاح نفسي

    ردحذف
  5. غير معرف23 أكتوبر, 2009

    الحلم سيد الأخلاق
    وما فيه شي في الدنيا يستاهل العصبية والنرفزة
    تزعل وتعصب ولا راح تلقى احد داري عنك
    ابتسم واحمد ربنا على نعمة الاسلام واذكر الله ينجلي همك بدل ما تعصب وترق دمك
    s3lo@hotmail.com

    ردحذف
  6. غير معرف19 يونيو, 2010

    تسلم ايدك اوبشنين رائعه

    لكن الالتزام فيها يحتاج تدريب عليها وعزيمه

    ردحذف

تعليقك سيظهر مباشرة بعد مراجعته :