...

...

" تجول فى الموقع وحدث مخك بنجاح ... سوف تجد كل ما هو جديد ومفيد وممتع " ... للتسجيل فى الموقع : هــنـا ... للتواصل معنا : هـــنــا
...

شبكة العروسة الآن وشبكة جدتى زمان ؟؟

.
هذا الموضوع له علاقة بقسم : للنساء فقط ، ثقافة لذيذة





عمرنا فكرنا إيه الفرق بين شبكتنا دلوقتى وشبكة جدتنا وشكل الذهب حالياً وأيام زمان ولا كله في الأول والآخر دهب ، كثر الحديث عن الذهب وعن الموضة التي طرأت عليه وعما ترتديه الفتيات ، وعن الألوان التي تفضلها وترغب في ارتدائها حتى يتماشى ذلك مع بشرتها وملابسها التي ترتديها ، ولكن ما هو الاختلاف بين الشبكة التي ترتديها الفتاة الآن إذا كانت تشترى في الأساس وبين شبكة زمان وتحديداً شبكة جدتي ؟؟


زمان كانت الشبكة عبارة عن كردان وخلخال ، زمام في الأنف وحلق ويكون حجمه كبير جداً وشكله أحياناً شكل دائرة وتحس كده إنه حاجة كلاسيكية بالرغم من كبره ، أما الآن فالشبكة قد تكون دبلة وتوينز فقط نظراً لسوء الحالة الاقتصادية للى ما يقدرش يشترى غير كده وأحياناً لو الشاب مستواه كويس تكون الشبكة طقم ذهب وهو عبارة عن كوليه وخاتم أو إنسيال وطبعاً فيه فرق كبير جداً بين الكردان زمان والكوليه بتاع دلوقتى ، الكوليه بيكون قطعة واحدة وبياخد شكل واحد وأحياناً بيكون سادة أو بداخله بعض الفصوص والدلايات الرقيقة .




ولكن الكردان يأخذ أشكالاً كثيرة وأحياناً يكون مفرغ أو بدون فراغات .... ويتدلى منه بعض الدلايات المتناسقة في الشكل والمتساوية فى الطول .... وبالنسبة لارتداء الخواتم زمان كان مش شرط جدتي تشترى خواتم في الشبكة كانت ممكن تكتفي بالكردان مع بعض الأساور لكن الآن معظم البنات مابتفضلش الأساور ممكن تستبدلها بلإنسيالات لأن الإنسيال بيكون رقيق وشكله شيك ، وبتشترى خواتم وبيكون فيها فصوص أو توينز اللى دايماً بيكون عيار 18 لكن كان من رابع المستحيلات إن جدي يشترى لجدتي ذهب عيار 18 كان عار بالنسبة لهم ، وكانوا شايفين إن ذهب عيار 18 لما بتيجى تبيعه غالباً بيخسر ماهما بيحسبوها للمستقبل .




يعنى الذهب بالنسبة ليهم مال مدخر بيبعوه وقت ما بيحتاجوه ، يعنى وقت حدوث أزمة أو ضائقة مالية ، لكن بنات اليومين دول مابتفكرش بالأسلوب ده ، كل اللي يهمهم هو الأناقة ، كل ما يشغل بالهم واهتمامهم الأناقة والشياكة وجذب الأنظار وأنهم يلبسوا ما يناسبهم ويعبر عن شخصيتهم ، فالذهب عند بعض الفتيات هو مقياس الأناقة وعنوان الجمال ، وما ترتديه الفتاة يعكس أنوثتها ، ويدل على ذوقها الرفيع عكس السيدات قديماً قليلاً ما تجد امرأة تفكر في الأناقة والشياكة ، فكانت تحلم بيوم زفافها وارتداء فستان زفافها وشبكتها التى تتفاخر بها أمام جيرانها ، وتقوم قبل الفرح بتمرير الشبكة على جيرانها ، بس الشيء الوحيد اللي ما اتغيرش وزى ما هو ولا يمكن أن يتغير فهو حقيقة مسَـلم بها وهى أن قيمة الذهب أعلى من قيمة النقود ......

هل أعجبك الموضوع ..؟ هل استفدت منه ..؟ هل تتفق أو تختلف مع محتواه من وجهة نظرك ..؟ ننتظر منك تعليقك هنا أسفل الموضوع

Share/Bookmark

ليست هناك تعليقات:

إرسال تعليق

تعليقك سيظهر مباشرة بعد مراجعته :